آذربایجانی موزیک تورکی شعرلر موسابیقه
آموزش زبان ترکی عکس لر تورکی اس ام اس لر
آتا بابا سؤزلری بایاتیلار تورکی کیتاب لار
کامپیوتر و موبایل لغت نامه آذربایجانی تورکی موبایل آهنگلری
تورک شخصیتلر خالق ادبیاتی ماهنی سؤزلری
ناغیل و حیکایه لر مقاله و تحقیق لر آذربایجان لینک لری
Bu gün sənin doğum günün
Xəyalımda bir quş olub sənə tərəf gələcəyəm
əlimdəki çiçəkləri gülüm sənə verəcəyəm
bügün sənin doğum günün belənçi bir şirin günü
bütün vucudumla gözəl sənə təbrik diyəcəyəm
ayrılıqdan gözüm yaşdı sənsizlikdən ürək qandı
ürəyimdə mən ağlayıb üzdə sənə güləcəyəm
əgər bütün aləm bügün gözəl səndən gözəl olsa
mənim gözümdə tək sənsən yalnız səni sevəcəyəm
əgər məni əfv etməsən ömrüm bitincə yar ınan
məni qoyub gedən yerdə sənin üçün dözəcəyəm
səni sevdim özüm üçün ayrılmışam sənin üçün
həsrətində mən yaşayıb xəyalında oləcəyəm
şair : Vəhid Şükürzadə
بوگون سنین دوغوم گونون
خیالیمدا بیر قوش اولوب ، سنه طرف گله جه یم
الیمده کی چیچک لری ، گولوم سنه وئره جه یم
بوگون سنین دوغوم گونون ، بئلنچی بیر شیرین گونو
بوتون ووجودوملا گوزل ، سنه تبریک دییه جه یم
آیریلیقدان گؤزوم یاشدی ، سنسیزلیکدن اورک قاندی
اوره ییمده من آغلاییب ، اوزده سنه گوله جه یم
اگر بوتون عالم بوگون ، گوزل سندن گوزل اولسا
منیم گؤزوم ده تک سنسن ، یالنیز سنی سئوه جه یم
اگر منی عفو ائتمه سن ، عومروم بیتینجه یار اینان
منی قویوب گئدن یئرده ، سنین اوچون دؤزه جه یم
سنی سئودیم اؤزوم اوچون ، آیریلمیشام سنین اوچون
حسرتینده من یاشاییب ، خیالیندا اوله جه یم
شاعیر : وحید شکرزاده
Gedirsən get
Gedirsən get dəli könlüm səni istər olunca yar
Gecə gündüz buludlar tək yağar gözlər dalınca yar
Səninlə mən bərabər olmadım heç vaxt həqiqətdə
Xəyalimda vəli hər an mənimləsən doyunca yar
Elə sevdim səni cana ki aləm heyrətə gəldi
Nədən küsdün çıxıb getdin məni dərdə salınca yar
Sənə nisbət belə şiddətli bir sevdamı bilmirdim
Düşündüm mən bu ehsası biraz sənsiz qalınca yar
Mənim qəlbim gülə taydı sənin eşqin ona candı
Yaşayış illətim sənsən mənim ömrüm solunca yar
Son arzumdur mənə qaytarma bu divanə qəlbimi
Gedirsən sən barı qalsın mənim qəlbim yanınca yar
Şair : Vəhid Şükürzadə
گئدیرسن گئت
گئدیرسن گئت دلی کونلوم سنی ایستر اولونجا یار
گئجه گوندوز بولودلار تک یاغار گؤزلر دالینجا یار
سنینله من برابر اولمادیم هئچ واخت حقیقت ده
خیالیم دا ولی هر آن منیمله سن دویونجا یار
ائله سئودیم سنی جانا کی عالم حیرته گلدی
نه دن کوسدون چیخیب گئتدین منی درده سالینجا یار
سنه نیسبت بئله شیددتلی بیر سئودامی بیلمیردیم
دوشوندوم من بو احساسی بیرآز سنسیز قالینجا یار
منیم قلبیم گوله تایدی سنین عشقین اونا جاندی
یاشاییش عیللتیم سنسن منیم عومروم سولونجا یار
سون آرزوم دور منه قایتارما بو دیوانه قلبیمی
گئدیرسن سن باری قالسین منیم قلبیم یانینجا یار
شاعیر : وحید شکرزاده
اونودام گرک
سنی اونودماق اوچون اؤزومو اونودام گرک
بوتون آرزولاریمی ریشه دن قورودام گرک
سنینله جورله میشدیم گله جک ده کی دونیامی
ایندی کی سن گئدیبسن دونیامی اوچودام گرک
نینییم اولموری فیکریندن آیریلا بیلمیرم
سندن آیریلماق اوچون بینیمی یودودام گرک
سنی چوخلی سئویرم ، سنسیز یاشایا بیلمیرم
سن سؤیله بو احساسیمی نئجه دوردودام گرک ؟
سنییدین حیاتیمین تک دادی دوزو معناسی
سنسیز من عومرومو حرام ائدیب تورشودام گرک
اوندا کی سن گلدین ، اولو جیسمیمه جان گتیردین
سنه جان بوشلویام ، حسابیمی دورودام گرک
شاعیر : وحید شکرزاده
Unudam gerək
Səni unudmaq üçün özümü unudam gerək
Bütün arzularımı rişədən qurudam gerək
Səninlə cürləmişdim gələcəkdə ki dunyamı
Indi ki sən gedibsən dunyamı uçudam gerək
Neyniyim olmurı fikrindən ayrıla bilmirəm
Səndən ayrılmaq üçün beynimi yududam gerək
Səni çoxlı sevirəm sənsiz yaşaya bilmirəm
Sən söylə bu ehsasımı necə durdudam gerək
Səniydin həyatimin tək dadı duzu mənasi
Sənsiz mən ömrümü həram edib turşudam gerək
Onda ki sən gəldin ölü cismimə can gətirdin
Sənə can boşluyam hesabımı durudam gerək
Şair : Vəhid Şükürzadə
Bağışla sən
Xəta yapdım ürək indi pəşimandi bağışla sən
Bü pis işdən mənim gözlərdə gıryandı bağışla sən
Neçə gundu yüxüm yoxdu çörək getmir boğazımdan
Pəşimanam halımda çox pərişandi bağışla sən
Özün yaxçı bilirsən kı səni mən çox sevirəm yar
Gunahkaram gunahıma könül yandı bağışla sən
Məni əfv eyləməsən yar əgər rızvandada olsam
Xüdavəndin beheştidə bil ki zındandı bağışla sən
Mənim canım səni sevdim sənə candan ürək verdim
Daha sənsiz mənim dunyamda vırandı bağışla sən
Bü hıcrandan bir od tüşdü alışdırdı vüjüdümü
Mənim artıq mucazatım bü hıcrandı bağışla sən
Şaır : Vəhid Şükürzadə
باغیشلا سن
خطا یاپدیم اورک ایندی پشیمان دی باغیشلا سن
بو پیس ایشدن منیم گؤزلر ده گیریان دی باغیشلا سن
نئچه گوندی یوخوم یوخدی چؤرک گئتمیر بوغازیمدان
پشیمانام حالیم دا چوخ پریشان دی باغیشلا سن
اؤزون یاخچی بیلیرسن کی سنی من چوخ سئویرم یار
گوناهکارام گوناهیما کونول یاندی باغیشلا سن
منی عفو ائیله مه سن یار اگر ریضوان دادا اولسام
خداوندین بهشتی بیل کی زیندان دی باغیشلا سن
منیم جانیم سنی سئودیم سنه جاندان ئورک وئردیم
داحا سنسیز منیم دونیام دا ویران دی باغیشلا سن
بو هیجران دان بیر اُود دوشدو آلیشدیردی وجودومو
منیم آرتیق موجازاتیم بو هیجران دی باغیشلا سن
شاعیر : وحید شکرزاده
آنالار گونو بوتون گوزل یوردوموزون آنالارینا موبارک
بو شعری بوتون آللاهین یانینا گئدن آنالارا
و خصوصا اؤز گؤزل آناما تقدیم ائدیرم
( آللاه روحونی شاد ائلسین )
Səni görməyə ölmək istirəm
Uşaqlıqa mən dönmək istirəm yenə Anami öpmək istirəm
Hər gün səhərlər daraq əlimdə o saçlarını hörmək istirəm
Tel güllərini başına bir bir sağa sola mən düzmək istirəm
Məhəbbətli o naz qucağında balıq təkin mən üzmək istirəm
Yapış əlimdən gedaq dolanaq yalnız sənilən gəzmək istirəm
Mənə dümüş tüt qöy ağzıma sən sənin əlindən yemək istirəm
Mənim ağrıma sən ağlayırdın göz yaşlarını silmək istirəm
Uşaqlıqda mən diyə bilmədim "səni sevirəm" demək istirəm
Gözlərim yolda harda qalmısan səni ANA can görmək istirəm
Sənsiz ey ANA gülmür ürəgim təkcə səninlə gülmək istirəm
Darıxıram mən qərib dunyada sənin yanına gəlmək istirəm
Allah şahıddı ey gözəl ANA səni görməyə ölmək istirəm
Şaır : Vəhid Şükürzadə
سنی گؤرمه یه اؤلمک ایستیرم
اوشاقلیقا من دؤنمک ایستیرم یئنه آنامی اؤپمک ایستیرم
هر گون سحرلر داراق اَلیمده اُو ساچلارینی هؤرمک ایستیرم
تئل گوللرینی باشینا بیر بیر ساغا سولا من دوزمک ایستیرم
محبت لی او ناز قوجاغیندا بالیق تکین من اوزمک ایستیرم
یاپیش الیمدن گئداق دؤلاناق یالنیز سنیلن گزمک ایستیرم
منه دوموش توت قوی آغزیما سن سنین الیندن یئمک ایستیرم
منیم آغریما سن آغلاییردین گؤز یاشلارینی سیلمک ایستیرم
اوشاقلیقدا من دییه بیلمه دیم «سنی سئویرم» دئمک ایستیرم
گؤزلریم یولدا هاردا قالمیسان ؟ سنی آنا جان گؤرمک ایستیرم
سنسیز آی آنا گولمور ئورگیم تکجه سنینله گولمک ایستیرم
داریخیرام من غریب دونیادا سنین یانینا گلمک ایستیرم
آللاه شاهیددی آی گوزل آنا سنی گؤرمه یه اؤلمک ایستیرم
شاعیر : وحید شکرزاده
